Shtëpia e Klodian Çalamanit, 38-vjeçarit i cili vrau 8-vjeçarin Mateo Vasiu është përfshirë nga flakët.

Gazetarja Anila Sefa thotë se dhoma ku jetonte 38-vjeçari në fshatin Grecalli të Fierit, është shkrumbuar bashkë me orenditë. Nuk dihet ende nëse flakët janë vendosur qëllimisht apo kanë qenë aksidentale.

Shtëpia siç mund të shihet edhe në këto pamje është djegur pjesërisht. Sipas gazetares Sefa dyshohet që flakët të jenë shuar për shkak të shiut që kanë rënë 24 orët e fundit.

“Në fshatin Grecalli, Fier, ka marë flakë dhe është djegur pjesërisht banesa e shtetasit K. Ç., 38 vjeç. Grupi hetimor po punon për përcaktimin e shkaqeve të rënies së zjarrit”, tha policia në një informacion të shkurtër për ngjarjen.