Të premten e kaluar, disa nxënës të një shkolle në fshatin Korentin të Kamenicës, kishin tentuar ta lëndojnë vetën.

Ky rast i shqetësoj të gjithë atje, e për këtë shkak u lajmërua edhe policia.

Me seriozitet të madh po e trajtojnë rastin edhe në Drejtorinë e Arsimit në këtë komunë.

Kështu deklaroi për Klankosova.tv drejtori Afrim Dervishi.

“Po e trajtojmë me seriozitetin më të lartë këtë rast. Të gjithë ne, Drejtoria e Arsimit, e shkollës, prindërit, mësimdhënësit. Uroj që raste të tilla të mos na përsëriten në të ardhmen”, deklaroi ai.

Rreth 20 raste të vetëlëndimit, sfidë kjo e shfaqur në “Tik-Tok”, janë regjistruar edhe në Gjakovë ditëve të kaluara.