Blerim Vela, ish-shefi i kabinetit të Presidentes, Vjosa Osmani, ka shkruar për çështjen e zgjedhjes së Presidentit/es, e ku thotë se në tavolinë janë tri opsione, dhe në asnjë prej tyre nuk e përmendi Vjosa Osmanin.

“Nesër është “dita D” për drejtimin që do te marre procesi i zgjedhjes se Presidentit të ri. Tri opsionet e mundshme në tavoline: 1. Kandidat nga familja Jashari (KOMFSK Bashkim Jashari) 2. Kandidat partiak (Glauku / Saranda) 3. Kandidat “apartiak” nga akademia apo diplomacia”, ka shkruar ai në platformën “X”.

Një komentues i ka reaguar Velës duke i thënë se Vjosa Osmani është kandidatja më e mrë, dhe Vela pati një përgjigje.

“Postimi është analize mbi zhvillimet e ditëve të fundit dhe jo reflektim i preferencave personale. Siç gjërat  qëndrojnë, asnjë prej partive kryesore nuk ka ofruar mbështetjen e tyre, duke e bërë gati të pamundur sigurimin e përkrahjes nga 30 deputetë që nevojiten per nominimin”, tha ai.

“Siç qëndrojnë gjërat, meqenëse asnjë nga partitë kryesore nuk është e përgatitur të ofrojë mbështetjen e saj, duket mjaft e vështirë për të që të sigurojë mbështetjen e 30 deputetëve të nevojshëm për kandidaturën e saj”, u përgjigj Vela në komentin tjetër.

Kuvendi i Kosovës ka kohë deri më 4 mars të zgjedh Presidentin/e, në të kundërtën vendi shkon në zgjedhje të jashtëzakonshme.

Neser eshte “dita D” per drejtimin qe do te marre procesi i zgjedhjes se Presidentit te ri.

Tri opsionet e mundshme ne tavoline:
1. Kandidat nga familja Jashari (KOMFSK Bashkim Jashari)
2. Kandidat partiak (Glauku / Saranda)
3. Kandidat “apartiak” nga akademia apo diplomacia

⏳

— Blerim Vela (@Blerim_Vela) March 1, 2026