Ish-ministri i Mbrojtjes, Armend Mehaj, me rastin e ditës së veteranëve të Ushtrisë Çlirimtare të Kosovës, ka thënë se kjo është datë me peshë në historinë tonë më të re.

Mehaj, mes tjerash, uroi gjithë veteranët, duke përmendur dëshmorët e kombit dhe invalidët e luftës.

“Sot me rastin e shënimit të 30 dhjetorit – ditës së veteranëve të Ushtrisë Çlirimtare të Kosovës, uroj nga zemra gjithë veteranët, duke mos harruar dëshmorët e kombit dhe invalidet e luftës të cilët dha gjithçka për Kosovën tonë”, shkroi Mehaj në llogarinë e tij në Facebook.

“Pikërisht me 30 dhjetor të vitit 1991, forcat e shumta ushtarake dhe policore serbe, do të ndërmerrnin një aksion ushtarak kundër Adem Jasharit dhe familjes se tij, të cilët bënë një luftë heroike duke detyruar forcat serbe që të tërhiqeshin”.

“Andaj, në kujtim të kësaj lufte dhe përpjekjeve tona për liri, çlirim dhe pavarësi nga shteti serb, përpjekje këto nder vite e dekada, sot shënojmë ditën e veteranëve, e cila është datë me peshe në historinë tonë me të re”, shkroi më tej ish-ministri i Mbrojtjes.

Ai potencoi se lufta e jonë dhe përpjekjet për liri, çlirim dhe pavarësi të Kosovës, janë rrugëtim i yni i gjatë dhe plotë sfiduese, i cili duhet të finalizohet me anëtarësimin e Kosovës në NATO.

“Shënimi i kësaj date si dhe përmbyllja e vitit 2023, për Kosovën në përgjithësi dhe mua në veçanti do të thotë shumë, sepse për herë të parë dhe të vetme deri me tani FSK-ja u pajise me armatim moderne nga shumë shtete të NATO-së dhe kemi blerë armët me moderne, Dronët Bajraktar të blerë me buxhetin e Kosovës e fal vizionit e përkushtimit tonë gjatë drejtimit të Ministrinë e Mbrojtjes dhe përkrahjes parezerva të Qeverisë”.

Ai theksoi se dronët e shumë pajisje të tjera të blera e dhuruar nga vendet mike, janë shpagim i sakrificës sublime të popullit shqiptar të Kosovës, familjes Jashari e shumë e shumë djemve dhe vajzave gjithandej Kosovës të cilët shërbyen me dinjitet në UÇK-ë, e me pas në TMK-ë e tash në FSK-ë.

“Sot, në këtë ditë nuk dua të harroj edhe gjithë ata pjesëtar të Policisë së Kosovës, të cilët me nder i kanë shërbyer dhe po vazhdojnë të i shërbejnë atdheut, e çdo ditë e me shumë po na bëjnë krenar”.

“Komandanti ynë heroik dhe historik Adem Jashari, përherë do të mbetet udhëheqësi ynë ushtarak dhe shembulli me i mirë se si duhet shërbyer atdheut. Nga zemra uroj gjithë veteranët e Kosovës për ditën e tyre meritore”.