Kërpudhat janë shumë të shijshme e për këtë janë pjesë e shumë ushqimeve në tryezat tona.

Ato janë të pasura edhe me vitamina të grupit B, në veçanti i vitaminës B2 dhe B3, thelbësore për metabolizmin e yndyrave, sheqernave dhe proteinave dhe për ta mbajtur sistemin nervor të shëndetshëm.

Kërpudhat janë burim i kaliumit, fosforit, magnezit, të çmuar për funksionimin e duhur të organizmit. Për më tepër, ata kanë një avantazh tjetër: ato janë të mira për kockat. Përmbajnë vitaminën D, e cila ndihmon në përthithjen e kalciumit, i cili është thelbësor për kyçet e forta dhe parandalimin e osteoporozës.

Kaloritë

Kërpudhat janë shumë të mira edhe për personat në dietë. Janë një aleat i shkëlqyer i linjave të trupit, pasi përmbajnë rreth 90% ujë. Në 100 gramë kërpudha përmbajnë nga 20 në 25 kalori. Këshillohet të konsumohet rreth 80 gramë në ditë, dhe jo më shumë se dy herë në javë. Sa i takon gatimit, kërpudhat duhen të gatuhen gjithmonë me kujdes dhe pa kapak. Kjo lehtëson avullimin e toksinave që mund të krijojnë probleme.

Sëmundjet

Disa njerëz nuk i kanë shumë qejf kërpudhat por pasi të lexoni këtë shkrim do bindeni që t`i hani ato, shkruan EO.

Kërpudhat kanë efekte pozitive në organizmin tuaj, prandaj lexoni arsyet se pse duhet t`i konsumoni:

Kërpudhat janë të mbushura me lëndë ushqyese. Është provuar se kërpudhat pakësojnë rrezikun e zhvillimit të sëmundjeve të zemrës.

Një rënie 70% në rrezikun e krijimit të sëmundjes “Alzheimer”, është vërejtur te njerëz të cilët konsumojnë kërpudha.

Fibrat dietike vijnë në sasi të mëdha te kërpudhat. Këto fibra luajnë një rol të rëndësishëm në mbajtjen e rolit dhe funksionimit të zemrës. Ata i japin sistemit imunitar një nxitje të qëndrueshme.

Kur kërpudha konsumohet çdo ditë, rreziku i kancerit ulet për të paktën 64%.

Kërpudhat luftojnë 

• Zvogëlojnë nivelin e kolesterolit

Enzimat dhe fibrat që përmban ndihmojnë në uljen e kolesterolin.

• Parandalojnë kancerin e gjirit dhe të prostatës

Bashkërendimi i acidit linoleik dhe beta-glukanit në përmbajtje japin vetinë e aktivitetit antikanceror.

• Rregullojnë sheqerin në gjak

Vlera ushqyese si dhe përmbajtja e saj me enzima dhe insulinë ndihmon në uljen e glukozës që përmbajnë ushqime të caktuara.

• Përmirësojnë sistemin imunitar

Ergothionina, një nga antioksidantët natyrorë më të fuqishëm që përmban kërpudha, mbron kundër radikaleve të lira që ulin mbrojtjen e trupit.

• Luftojnë aneminë

Hekuri i përfshirë në kërpudha lufton aneminë.

• Zvogëlojnë presionin e gjakut

Arrihet për shkak të përmbajtjes së kaliumit. Përmbajtja e ulët e natriumit dhe e lartë e kaliumit ndihmon në parandalimin e presionit të lartë të gjakut.