Janë bërë tashmë 50 orë pa rrymë, dhe temperatura momentale është – 15 gradë celcius, e shkaku i borës së madhe, disa nga fshatrat e komunës së Dragashit kanë mbetur krejtësisht të bllokuara.

Burim Piraj, pronar i kompanisë “Meka”, që gjendet në fshatin Plavë, në orët e hershme të ditës së sotme ka shprehur brengën për mungesë të energjisë elektrike.

“Përkundër kësaj gjendje, deri më tani asnjë reagim nga institucionet përkatëse të komunës së Dragashit dhe nga shteti i Republikës së Kosovës”.

“Nuk dihet nëse ata e dinë që komuna e Dragashit gjendet në Kosovë dhe është krejtësisht e bllokuar nga reshjet e borës. Nuk ka asnjë reagim edhe nga KEDS-i që tashmë e ka lënë komunën e Dragashit 50 orë pa rrymë dhe nuk ka njoftuar për shkaqet e ndërprerjes – deri kur do të zgjasë kjo ndërprerje apo prishje e energjisë elektrike”, ka shkruar ai në rrjetin social Facebook.