Spanja është duke ndërmarrë masa të reja, për ta frenuar shtimin e rasteve me koronavirus, midis drojës për një “valë të dytë” në Evropë.

Në Katalonjë janë mbyllur klubet e natës për dy javë, por qytetet jashtë këtij rajoni verilindor po ashtu po përballen me rritje rastesh, raporton BBC.

Mbretëria e Bashkuar ka bërë ndërkaq të ditur se të gjithë ata që vijnë nga Spanja duhet të izolohen. Norvegjia ka vënë rregulla të ngjashme, derisa Franca e ka në fuqi një paralajmërim-udhëtimi.

Si Franca, ashtu edhe Gjermania po përballen me përhapje të koronavirusit, teksa po mundohen që të rihapin ekonomitë e tyre.

“Ndonëse secili shtet është i prekur, kjo përhapje shtytje e ka përhapjen e gjerë në shtetet e mëdha dhe me popullsi të dendur, në kontinentin amerikan dhe në Azinë Jugore”, është thënë nga Organizata Botërore e Shëndetësisë përmes një deklarate, të shtunën.

Më shumë se 15.7 milionë raste me COVID-19 janë të regjistruara në botë dhe më shumë se 640.000 vdekje, sipas Universitetit Johns Hopkins.