Gjashtëvjeçari ukrainas, Ilya Kostushevich, i cili humbi familjen e tij mes luftimeve në qytetin e rrethuar të Mariupolit, i ka shkruar një letër të hapur kryeministrit britanik, Boris Johnson.

Letra, e cila u shpërnda nga ambasadorja e Britanisë në Ukrainë, Melinda Simmons, vjen ndërsa forcat ruse vazhdojnë me ofensivën e tyre në rajonin e Donbasit, njofton Klankosova.tv.

Vogëlushi në letër thotë se ëndërron që asnjë fëmijë në botë të mos njohë luftën, teksa i ka bashkangjitur një flamur të Ukrainës të vizatuar me dorë dhe fotografinë e tij me një kafshë shtëpiake.

“I dashur Boris Johnson! Unë dua që lufta të përfundojë më shpejt që njerëzit të mos vdesin më. Dua të luaj futboll në shtëpi në Mariupol. Do të doja që të gjithë fëmijët e botës të mos kishin luftë. Përshëndetje për të gjithë fëmijët në Britani, faleminderit që na ndihmoni. Ne do të fitojmë! Unë kam një mace, Frosia. Unë po ju dërgojë flamurin e Ukrainës që kam vizatuar. Të përqafoj fort”, ka shkruar ai në letër.