Ministrja e Kulturës Rinisë dhe Sportit, Vlora Dumoshi ka marrë pjesë në vënien e gurëthemelit për ndërtimin e stadiumit të qytetit në Gjakovë me vlerë 1 milion e 100 mijë euro, raporton Ekonomia Online.

Ministrja e MKRS-së Vlora Dumoshi,  tha se me vënia e këtij gurëthemeli  është falënderim për të gjitha gjeneratat për kontributin në sport.

Ajo më tutje u shpreh se do të shihet mundësia  që edhe vitin e ardhshëm të ndajnë fonde për këtë pjesë.

“Ne sot me ndërtimin e këtij stadiumi i falënderojmë të gjitha gjeneratat qe kanë dhënë kontribut për futbollin. Ne si Ministri e Kulturës Rinisë dhe Sportit e cila është në vlerë 1 milion e 100 mijë euro por edhe me rishikim edhe vitin e ardhshëm do të shikojmë për financim që të jetësohet ky projekt sepse është shumë i domosdoshëm për komunën e Gjakovës,  për të gjithë njerëzit,  për gjeneratat”, tha Dumoshi.

Kryetari i Gjakovës Ardian Gjini tha se pëe këtë projekt ka pasur debat të ashpër gjatë dy viteve por që me ministren Dumoshi kanë pasur mirëkuptim maksimal.

Kurse kryetari i Gjakovës, Ardian Gjini. “Dy vite luftë kemi bërë për të nisur, herë dilnin fondet herë u heqshin, e kryem projektin pak më ambicioz se të tjerët që kanë pritur por,  ky projekt duhet të mbijetojë shumë gjatë. Me ministren Dumoshi s’kam pas nevojë me luftu hiq menjëherë e kemi operacionalizu”, tha Gjini.