Zëdhënësi i Ministrisë së Shëndetësisë, Faik Hoti, ka bërë të ditura disa karakteristika rreth moshës së pacientëve që deri tash janë trajtuar dhe po trajtohen në Klinikën Infektive për Covid-19.

• Grupmosha e të prekurve me Covid -19 që kanë pasur nevojë më shumë për tretman spitalor është ajo mbi 70 vjeç.

• Ka numër të barabartë të pacientëve të grupmoshave prej 30-39 vjeçe deri në 60-69 vjeçe

• Në Klinikë deri tash nuk ka pasur të hospitalizuar asnjë pacient me Covid nga grupmosha 10-19 vjeç.

• Dy pacientë të spitalizuar i takojnë moshës nën 6-vjeçare.

• Nga 13 mars-3 prill 2020, në këtë klinikë ka vdekur vetëm një pacient i prekur nga Covid-19, i njëjti ka pasur sëmundje të tjera shoqëruese.

Në një postim në faqen e tij në Facebook, Hoti ka sqaruar se këto të dhëna janë nxjerrë nga Klinika Infektive dhe grafika është punuar duke në bashkëpunim me dr. Sadije Namani, infektologe.