Policia e Kosovës thotë se është angazhuar intensivisht në hetimin e shkaktarëve të zjarreve dhe ndaj atyre personave që shkaktojnë zjarrvënie të qëllimshme.

Si rezultat i hetimeve, sot patrullat policore kanë arrestuar si të dyshuar një person, të cilit me urdhër të prokurorit i është iniciuar rasti si zjarrvënie, mbi dyshimin e bazuar për një zjarrvënie afër varrezave në fshatin Babimovc të Obiliqit.

Policia e Kosovës iu bënë apel të gjithë qytetarëve të Kosovës që të mos i djegin hapësirat fushore hamulloret, në të kundërtën Policia e Kosovës do të jetë e pa kompromis ndaj zjarrvënieve të qëllimshme apo nga neglizhenca.
Ministria e Punëve të Brendshme ka njoftuar se aktualisht Kosova vazhdon të jetë e përfshirë në disa vatra zjarri, në disa lokalitete të ndryshme.

MPB njofton se vatra e cila për momentin është më serioze, është fshati Shtupeq i Pejës.