Një substancë e bardhë e cila dyshohet të jetë kokainë është gjetur në Shtëpinë e Bardhë.

Kështu të paktën raporton Washington Post.

Kjo i ka alarmuar shërbimet sekrete në Shtetet e Bashkuara të Amerikës.

Rasti që po hetohet nga agjentët sekret raportohet se ka ndodhur të dielën mbrëma teksa kjo çoi në një evakuim të shkurtër.

Siç raportohet gazeta prestigjioze, “pluhuri i bardhë” rezultoi pozitive sipas testimeve paraprake, citohet të ketë thënë një zyrtar i cili ka njohur rreth hetimit.

Rreth rastit u deklarua edhe zëdhënësi i Shërbimit Sekret.

Anthony Guglielmi tha se substanca po i nënshtrohet testeve të mëtejshme për të përcaktuar se çfarë është, përcjell Klankosova.tv

Në të njëjtën kohë, autoritetet po shqyrtojnë se si u fut substanca në Shtëpinë e Bardhë.

Kjo njëkohësisht kjo ka ngritur gatishmërinë e organeve të sigurisë atje.

Në ndërkohë, presidenti i Shteteve të Bashkuara të Amerikës Joe Biden, nuk ndodhej brenda në momentin kur u zhvillua operacioni lidhur me këtë rast.

Ende nuk dihet se ku saktësisht u gjet substanca.

Sipas zëdhënësit të Shërbimit Sekret, ajo u gjet nga pjesëtarë me uniformë, të cilët po kryenin patrullimet rutinë të godinës.