Ish-ministri i Drejtësisë, Ylli Manjani ka ironizuar njoftimine AKSH-it për mbylljen e aksesit në shërbimet publike online dhe faqet e tjera qeveritare në Shqipëri për shkak se të një sulmi kriminal kibernetik nga jashtë Shqipërisë.
Manjani shkruan se kjo ngjarje ndodhi fiks në kohë që “do hapej akademia e mbjelljeve online” duke ironizuar deklaratën e ministres së Bujqësisë.
“Sulm kibernetik AKSH-it?! Uau! Ku na e gjeti tani që po hapnim akademinë e mbjelljeve online…!
Urgjent një tender sekret të kapim kibernetistin, që qenka edhe jashtë shteti. Ka kosto dmth… Ups! Na ikën dritat. Hajde shnet se na duhet bateria e celularit”, thekson Manjani.