John Shipman po qëndronte në një platformë të ngritur pranë një shtegu të vogël me pluhur, derisa në dorë po mbante një flamur garash.

Për më shumë se dhjetë minuta nëntë vetura të vogla po silleshin përreth tij me shpejtësi prej 65 kilometrash në orë. Ishte një garë kualifikuese, shkruan NYT.

E veçanta e kësaj gare është se asnjëri prej nëntë garuesve nuk kishte patentë shoferi. Në fakt, garuesi më i vjetër ishte në shkollën e mesme, përcjell Koha Ditore.

“Disa njerëz na quajnë dhe na konsiderojnë si prindër të këqij”, thotë Shipman, që punon si vullnetar.

Shtegu me pluhur i takon “Terre Haute Quarter Midget Association”, në kuadër të cilës janë 70 klube të garave, ku pjesë e tyre janë mijëra fëmijë prej moshës 5 deri 17 vjeçe.