Drejtoria e Bujqësisë dhe Pylltarisë në Ferizaj ka shpërndarë sot  tek 30 përfitues, mekanizëm bujqësor.

Mbjellëse gruri, mbjellëse të misrit, kosa roto dhe freza ishin pajisjet që u shpërndan për bujqit ferizajas. Këta të fundit, të gëzuar për këto pajisje dhe falënderues ndaj pushtetit lokal thanë se Komuna e Ferizajt përkatësisht Drejtoria e Bujqësisë dhe Pylltarisë për gati dy vite qeverisje ka ndihmuar si asnjëherë më parë, bujqit dhe fermerët ferizajas.

“Zhvillimi i bujqësisë është prioritet i qeverisjes Aliu. Mijëra euro investime në mekanizëm bujqësor janë investuar vetëm gjatë këtij viti. E tillë ishte edhe sot, nisma e Drejtorisë së Bujqësisë dhe Pylltarisë për të shpërndarë tek 30 përfitues, mekanizëm bujqësor”, thuhet në njoftim.

E në anën tjetër, drejtori i Drejtorisë, Burim Bajrami tha se kjo iniciativë dhe gjithë mbështetja për bujqit dhe fermerët ferizajas është pjesë e masës aktive të ndërrmarrë nga qeverisja lokale me qëllim rritjen dhe zhvillimin e këtij sektori dhe ndikimit direkt në ekonominë familjare, rrjedhimisht në mirëqenien e përgjithshme qytetare.

Kontigjente të tjera të pajisjeve bujqësore e forma mbështetjeje për bujqit do të vijojnë të aplikohen me intensitet edhe më të lartë, ditëve e javëve në vijim.