Shefja e Zyrës së BE-së në Prishtinë, Nataliya Apostolova, ka mbështetur ndërprerjen e punimeve në rrugën Deçan-Plavë, pas ankesës së Kishës Ortodokse Serbe në këtë pjesë.

“Është shumë e rëndësishme që Ligji për Zonën e Mbrojtur të Manastirit të Deçanit të respektohet në mënyrë strikte dhe çdo veprim i mundshëm të aprovohet nga Këshilli Implementues dhe Monitorues”, ka shkruar ajo në “Twitter”.

It is of paramount importance that the law on the Special Protective Zone of Visoki Decani Monastery is strictly adhered to and any possible action is approved by the Implementation and Monitoring Council (IMC) https://t.co/cGRuapLYrd

— Nataliya Apostolova (@ApostolovaEU) May 27, 2018

Ndërprerjen e punimeve në rrugë e ka mbështetur edhe ambasadori i ShBA, Greg Delawie.

Kisha Ortodokse Serbe në Kosovë reagoi në lidhje me punimet që po zhvillohen atje duke i njoftuar përfaqësuesit e BE-së, OSBE-së dhe KFOR-it se “Qeveria e Kosovës ilegalisht ka nisur ndërtimin e rrugëve në rrugën transitore Deçan-Plavë brenda zonës speciale të mbrojtur përreth Manastirit të Deçanit”.