Në vitin 1971, një ekip psikologësh projektuan një eksperiment në Stanford, SHBA. Në
pamje të parë eksperimenti dukej i thjeshtë, pasi pjesëmarrësve iu kërkua të luanin rolin
e të burgosurve dhe gardianëve të burgut. E gjithë esenca e eksperimentit ishte të
testoheshin reagimet instiktive apo sjelljet njerzore në situata të caktuara të izolimit
shoqëror.
Studimi i udhëhequr nga psikologu G. Zimbardo, i njohur si Eksperimenti i Burgut të
Stanfordit, (Stanford Prison Experiment) njihet sot për efektin se si mund të ndikojnë
situatat e veçanta sociale në qëndrimet, vlerat dhe sjelljet tona individuale.
Eksperimenti, për fat të keq, devijoi shumë shpejt në ekstreme të papritura, kështu që
ky studim – i cili parashihej të zgjaste dy javë – përfundoi në ditën e gjashtë.
Ndërsa sot kemi spektakle të shumta televizive nga “The Kardashians” në Amerikë,
“Love Island” në Angli, e deri tek “Big Brother” (apo “Vëllai i madh”) aktualisht në
Shqipëri.
Kjo lloj shfaqjeje merr vëmendje të jashtëzakonshme nga publiku. I vetmi ndryshim nga
eksperimenti i Stanfordit, i cili bazohej në studimet njerëzore dhe që ishte jofitimprurës,
me shfaqjet aktuale të njohura si reality show, qëndron në faktin se këto shfaqje bëhen
për shikueshmëri dhe klikime në rrjetet sociale, për të vetmin qëllim – përfitimet
materiale.
Natyrisht, edhe famën e shpejtë për pjesëmarrësit. Kështu që kemi të bëjmë me një
situatë ku të dyja palët fitojnë.
Por çfarë po ndodh në të vërtetë me ‘situatat’ tek “Vëllai i Madh’ dhe si shpjegohet ky
interesim masiv?
Një fenomen i tillë është patjetër i lidhur me përdorimin e paprecedentë të rrjeteve
sociale, në veçanti që në fillim të pandemisë, ku TikTok-u dhe Instagrami morën hov në
përdorim nga konsumatorët nëpër botë.
Evolucioni mediatik, së bashku me atë socio-ekonomik kanë sjellë shumë risi, ndërkohë
që Interneti dhe pajisjet celulare janë bërë tashmë mjete mëse të dobishme në epokën
dixhitale.
Mckinsey thekson se përdorimi i rrjeteve sociale për mediat televizive është një sfidë,
por edhe një mundësi. Kjo jo vetëm për kompanitë përgjegjëse, por dhe për brendet
sponsorizuese.
Ndërsa Statista, konstaton se rrjetet sociale kanë pasur një fitim të madh në sektorin e
teknologjisë, ndaj ato konsiderohen si pjesë përbërëse dhe luajnë një rol kyç në
marketingun startegjik. Një gjë e tillë ndodh sepse domosdoshmëria e reklamimit

bazohet në marrëdhëniet me klientët, dhe integrimi efikas në komunikimin e kompanisë
përbënë elementin kryesorë në tregun mediatik.
Por si zbatohet dhe si funksionon kjo kur flasim për shfaqjet televizive?
Në arenën ndërkombëtare mund të marrim si referencë shfaqjen televizive “The
Kardashians”, ku motrat e famshme Kylie, Kim dhe Kendall shfrytëzojnë ndodhitë e
tyre jetësore (flirtimet, ndarjet, keqkuptimet etj). Pastaj përmes postimeve në Instagram/
TikTok bëjnë promo si: ‘në episodin e ardhshëm zbulojmë sekretin e rradhës’ apo ‘nëse
më në fund Kim do të zyrtarizojë divorcin me Kayne’ -duke shënjestruar shikueshmërinë
dhe klikimet shtesë.
Si rrjedhojë, e gjithë kjo ‘dramë’ ndiqet më pas nga miliona abonentë me pagesë tek
mediumi Hulu, ku sipas Forbes, Tv Hulu i pagoi motrat Kardashian me mbi 100 milionë
dollarë për dy sezone, apo vetëm 40 episode gjithsej.
Por jo të gjithë përfitojnë nga kjo situatë. Vlen të theksojmë rastin e Kayne West dhe
divorcit të tij nga bashkëshortja Kim. Kayne dështoi në menaxhimin e situatës. Dhe
pasojat nga keqmenaxhimi i rrjeteve sociale i vuajti ai vetë, ose më saktë llogaria e tij
bankare.
Kayne, sipas Bloomberg humbi kontratat miliona dollarëshe nga kompanitë si
Blenciaga, Adidas,Gas etj, nga fyerjet në rrjetete sociale. Pikërisht kjo gjë mund të
përmendet edhe si një dështim epik, apo e thënë ndryshe, SI NUK DUHET të veprojmë
në rrjetet sociale, nisur nga perspektiva etike dhe financiare
Si konkluzion, veçojmë 3 tiparet kryesore të marketingut strategjik:

• Synimi i audiencës së duhur,
• Hulumtimi i tregut, si dhe
• Komunikimi në mediat sociale, apo strategjia reklamuese.
  Zbatimi i suksesshëm i komponentëve kryesorë sjell fitim dhe rritje të shikueshmërisë
  dhe postimet në rrjetet sociale bëhen lehtësisht virale.
  E gjitha kjo përdoret më pas si një marrëveshje e mirë me sponsorët, apo brendet e
  njohura, si dhe me bizneset vendase dhe jo vetëm.
  Prandaj, me gjithë kufizimet gjatë hulumtimit për temën në fjalë, mund të konkludojmë
  se mediumi Top Channel po zbaton me sukses rregullat kryesore të marketingut
  strategjik. Dhe përmes ‘Big Brother’ ata kanë gjetur ‘pulën magjike’, që patjetër do të
  vazhdojë të bëjë ‘vezë të arta’ përderisa të ketë interes nga masat, që janë të prirura
  drejtë situatave dramtike dhe romantike.
  Në fund fare, të gjithë kemi një smartphone dhe qasje në internet, dhe ajo qfarë i
  mungon konsumatorit është dinamika jetsore, pra kjo është njëra ndër arsyjet pse sot

disa personazhe ndiqen live 24/7 cdo ditë, jo vetëm nga ‘Vëllai i Madh’, por nga të gjithë
ne.