Me nga 50 vjet burg secili janë dënuar disa anëtarë të një sekti panamez, të cilët më 14 janar të vitit 2020 vranë gjashtë fëmijë dhe një grua shtatzënë shkaku i “ekzorcizmit”, tha Zyra e Prokurorit të Panamasë.

“Gjykata vendosi dënimin maksimal të mundshëm me burgim prej pesëdhjetë vjetësh për secilin nga shtatë të pandehurit”, predikuesit e sektit, “Drita e Re e Zotit”.

Më herët, dy anëtarë të tjerë të sektit u dënuan me 47 vjet burg secili pas një marrëveshjeje me prokurorinë, shtoi i njëjti burim, raporton france24.

Anëtarët e sektit janë shpallur fajtorë në një gjykatë në Changuinola, në verilindje të vendit, për lidhjen dhe rrahjen e viktimave të tyre, gjashtë fëmijë të moshës një deri në 17 vjeç, anëtarë të komunitetit indigjen, Ngabe Bugle në El Terron. Ata besojnë se në këtë formë “i dëbojnë demonët”.

Gruaja shtatzënë, e cila u tërhoq zvarrë me dhunë në kishën ku u mblodh sekti, u rrah para pesë fëmijëve të saj, të cilët më pas u vranë.

Dëshmitarët e masakrës, vetë të plagosur, u larguan dhe thirrën policinë. Me të arritur, policia gjeti në kishë rreth pesëmbëdhjetë persona të ndaluar, mes tyre edhe disa fëmijë.

Gjatë hetimeve u gjetën trupat e viktimave, të lidhura dhe në fazë të avancuar shpërbërjeje, në një varr të përbashkët një orë më këmbë nga vendi i krimit.