Përfaqësuesi i Partisë Demokratike të Kosovës në KQZ, Arianit Elshani, ka thënë se deri tani nuk ka asnjë kërkesë formale në këtë institucion për lejimin e mbajtjes së zgjedhjeve të Serbisë në Kosovë, raporton Ekonomia Online.

Ai tha se reagimet e Vetëvendosjes për zgjedhjet serbe në veri, janë vazhdim i mshtrimeve të partisë së Albin Kurtit.

“Reagimet e zyrtarëve të Vetëvendosjes për zgjedhjet serbe janë vazhdimësi e mashtrimeve të tyre me qytetarët e Kosovës”.

“Qeveria Kurti për 100 ditë hapi tërësisht kufijtë e Kosovës me Serbinë dhe bashkëpunoi me shtetin serb ndërsa mbylli kufijtë e Kosovës me Shqipërinë. Këto reagime tani që janë në opozitë, janë të turpshme”, tha Elshani.