Qeveria e Kosovës dhe Banka Evropiane për Investime (EIB) kanë nënshkruar marrëveshje investimi 33 milionë euroshe, raporton Ekonomia Online.

Nga ky investim, EIB parasheh ndërtimin e një impianti fotovoltaik diellor me kapacitet deri në 100 MW, duke siguruar prodhim vjetor prej rreth 152 GWh energji elektrike.

Ministri i Financave, Punës dhe Transfereve, Hekuran Murati, tha se se ky projekt do të kontribuojë në pavarësimin e Kosovës nga burimevt tradicionale të energjisë.

“Projekti në fjalë parasheh ndërtimin e impiantit fotovoltanik në një kapacitet deri në 100 MW të prodhimit të energjisë elektrike. Rëndësia e këtij projekti qëndron në faktin se pas finalizimit të projektit, impianti do të jetë në gjendje të prodhojë deri në 160 Gigawat orë energji në vit, dhe të zëvendësojë mbi 170 mijë ton të dioksidit të karbonit në baza vjetore. Kjo i kontribuon edhe më tutje pavarësimit të Kosovës nga përdorimi i burimeve tradicionale të energjisë, gjithashtu ja mundëson Kosovës që të bëjë përkitazi me agjendën e gjelbër të BE. Ky projekt më i madhi i llojit të tij jo vetëm në Kosovë por edhe në rajon, garanton zhvillimin e mëtutjeshëm të sektorit të energjisë si parakusht për rritje dhe zhvillim të qëndruëshëm të vendit”, tha Murati.

Ambasadori i Gjermanisë në Kosovë, Jörn Rohde, e konsideron kruciale investimet në sistemin e transmetimit të rrymës në Kosovë për integrimin e burimeve të energjisë së ripërtritshme.  

“Kthimi parë i impiantit fotovoltaik në Kosovë dhe rritja e kapaciteteve do të kontribuojë në rritjen e burimeve të ripërtrishme dhe të demonstrojë fizibilitetin e një projekti të tillë. Edhe investimet në sistemin e transmetimit të rrymës në Kosovë është kruciale për integrimin e burimeve të energjisë dhe ripërtërimin e Kosovës në tregun evropian të rrymës. Po ashtu dua të theksoj njësojshmërinë për t’u forcuar kapacitetet e zbatimit përmes ndërmarrjeve në pronësi publike e që është një faktor suksesi për të siguruar zbatimin efektiv dhe efikas të investimeve të parapara”, tha Rohde.

Shefja e Sektorit Politik në Zyrën e BE-së në Kosovë, Anna Carin Platon, përmendi edhe ndihmat e tjera që Kosova ka përfituar nga Bashkimi Evropian.

“Është projekti i parë solar në KEK…Është projekt shumë i rëndësishëm për shkak se ndihmon tranzicionin e KEK-ut dhe rajonit të Prishtinës dhe Obiliqit në rrugën drejt karbonizimit. Po ashtu do të mbështes strategjinë e energjisë që Kosova e ka miratuar dhe caqet për ngritjen e rritjes së burimeve të reja të ripërtitshme për burimet e reja të energjisë. KEK-u me këtë po e bënë hapin e parë për të diversifikuar portofolin e gjenerimin e elektricitetit…  BE po ashtu ka financuar një mbështetje të pakos me energji me 75 milionë euro, që do t’i jap Kosovës qasje për subvencionet e grantit për implementimin e masave të efiçiencës së energjisë në shtëpitë e tyre dhe për bizneset që po ashtu kontribuon në kursimin e energjisë dhe përballueshmerin e energjisë”, u shpreh ajo.

Shefi për operime në Ballkanin Perëndimor dhe Turqi nga Banka Evropiane për Investime, Matteo Rivellini, tha se ky investim përbën një hap në tranzicionin e energjisë në Kosovë drejt dekarbonizimit.

“Të kënaqur me këtë partneritete të ngushtë me koleget e KVF dhe BE që dëshmojnë se sa e rëndësishme është për Evropë, Kosova dhe për Ballkanin perëndimor në përgjithësi. Investimi përfaqëson një hap kritik në tranzicionin e energjisë në Kosovë drejt dekarbonizimit… dhe agjendën e gjëlbert të BE-së, traktatin e Komiteti të Energjisë, kërkesat e strategjisë kombëtare”, u shpreh ai.