Ora e punës në Luksemburg dhe në rrethinë të Brukseli paguhet dhjetë fish më shumë se në disa rajone të Bullgarisë, transmeton Koha.net.

Sipas të dhënave të EUROSTAT-it, norma mesatare e pagesës për një orë të të punësuarve në Bashkimin Europian shkon nga 44 euro në hapësirën e Brukselit e të Luksemburgut, deri nën 4 euro në tri rajone të Bullgarisë. Bëhet fjalë për normën mesatare të pagesës për një orë punë, që paguan punëdhënësi, në të cilën përfshihet paga me kontributin social.

Në vitin 2016 pagesa mesatare për një orë në Bashkimin Europian ka qenë 22,8 euro.

Pagesa mesatare për një orë punë në Slloveni tani është 16,1 euro, kurse në Kroaci 8,6 euro.