Distria Krasniqi ka arritur të kualifikohet në çerekfinale të Kampionatit Evropian të xhudos që po mbahet në Montpellier të Francës.

Kampionia olimpike e mundi me IPPON xhudisten kroate, Ana Viktorija Puljiz.

E çerekfinalen nuk e arriti Flaka Loxha, e cila u mund nga xhudistja serbe, Marica Perisic në raundin e dytë në kategorinë deri në 57 kilogramë.

Sot garon gjithashtu edhe Nora Gjakova, e cila është në raundin e dytë aktualisht dhe pas pak përballet me polaken, Arleta Podolak.