Ka filluar të zbatohet plani për kufizimin e qarkullimit të veturave për të hyrë në qendër të Prishtinës me qëllim uljen e ndotjes së ajrit. Kjo ka bërë që të shihen pak vetura në qendër. Përderisa në hyrje të kryeqytetit janë krijuar tollovi, raporton Ekonomia Online.

Ministri i Punëve të Brendshme, Flamur Sefaj dhe nënkryetari i Komunës së Prishtinës, Selim Pacolli, kanë nëpër kryeqytet për të parë se si po shkon plani për ndalimin e qarkullimit të veturave nëpër disa pjesë.

Në rrugën “Bill Clinton” kanë filluar tollovia e automjeteve nga hutia e ngasësve. Nëpër pikat ku është kufizuar hyrja janë parë shirit të vendosur nga Inspektorati i Komunës së Prishtinës, ndërsa në udhëkryqe është vendosur policia, duke e zbatuar vendimin.

Duke filluar në ora 06:00 të mëngjesit e deri në orën 22:00 lëvizja e veturave do të jetë e kufizuar.

Brenda qytetit të Prishtinës do të lejohen vetë automjetet e transportit publik, atyre emergjente, automjetet e Policisë së Kosovës, FSK-së, KFOR-it, EULEX-it dhe taksitë e licencuara. Ky kufizim i qarkullimit të automjeteve është bërë për të parandaluar nivelin e lartë të ndotjes së ajrit.

Vendimi për këto masa është marrë pas konsultimeve të krerëve komunalë dhe disa ministrive.

Zona e ndaluar përfshijnë këto rrugë:

1. Bulevardi “Bill Clinton” nga udhëkryqi i rrugëve “Idriz Gjilani” dhe “Bekim Fehmiu”, gjegjësisht nga shtatorja e “Bill Clintonit”;
2. Bulevardi “Dëshmorët e Kombit” nga rrethrrotullimi i flamurit;
3. Rruga “Agim Ramadani” nga udhëkryqi i konvikteve;
4. Rruga “Edmond Floxha” te salla “1 Tetori’,;
5. Rruga “Ilir Konushevci”, nga hyrja e drejtimit të Podujevës;
6. Hyrja nga rrethrrotullimi i lagjes “Arbëria” në rrugët “UÇK” dhe “Fehmi Agani”;

Me ndalimin e veturave, komuna ka njoftuar se qytetarët do të kenë mundësi që të lëvizin pa pagesë nëpër qytet me autobusët e trafikut urban.

Më poshtë keni llojet e automjeteve qarkullimi i të cilave do të ndalohet, rrugët nëpër të cilat është i ndaluar trafiku dhe hartën me rrugët e kryeqytetit:

Vendimi lidhur me masat për uljen e nivelit të ndotjes së ajrit: 

1. N D A L O H E T shitja e thëngjillit brenda territorit të Komunës së Prishtinës.
2. N D A L O H E T qarkullimi i të gjitha automjeteve brenda qytetit të Prishtinës, nga ora 06:00 – 22:00, përveç:
3. Automjeteve të transportit publik;
4. Automjeteve emergjente;
5. Automjeteve të Policisë së Kosovës;
6. Automjeteve të misioneve diplomatike;
7. Automjeteve të FSK-së;
8. Automjeteve të KFOR-i;
9. Automjeteve të EULEX-i;
10. Automjeteve të Drejtorisë së Inspeksionit;
11. Automjeteve – taksi të licencuara;
12. Automjeteve për bartjen e personave me aftësi të veçanta të cilat mbajnë shenjë identifikuese.

III. Zona e ndaluar përfshinë këto rrugë:

1. Bulevardi “Bill Klinton” nga udhëkryqi i rrugëve “Idriz Gjilani” dhe “Bekim Fehmiu”, gjegjësisht nga shtatorja “Bill Klintoni”;
2. Bulevardi “Dëshmorët e Kombit” nga rrethrrotullimi i flamuri!
3. Rruga “Agim Ramadani” nga udhëkryqi i konvikteve;
4. Rruga “Edmond Floxha” te salla “1 Tetori’,;
5. Rruga “Ilir Konushevci”, nga hyrja e drejtimit të Podujevës;
6. Hyrja nga rrethrrotullimi i lagjes “Arberia” në rrugët “UÇK” dhe “Fehmi Agani”;
7. Transporti i udhëtarëve nga NPL “Trafiku Urban” në intervalin kohor të cekur në pikën I, do të bëhet pa pagesë, financuar nga Qeveria e Republikës së Kosovës.
8. Furnizimi i bizneseve me mallra duhet të kryhet në intervalin kohor prej orës 22:00 – 06:00.
9. Për zbatimin e këtij vendimi obligohet Drejtoria e Inspekcionit.

VII. Policia e Kosovës do të asistojë në zbatimin e pikës II të këtij vendimi.

VIII. Ky vendim fillon të zbatohet nga data 31 janar 2018, deri në marrjen e një vendimi tjetër nga Komuna e Prishtinës.