Për këtë vit vendi më i lumtur në botë është Finlanda, duke e tejkaluar Norvegjinë që ishte e para vitin që shkoi, sipas raportit vjetor të OKB-së.

Raporti “Lumturia e Botës” bën matjen e mirëqenies subjektive, sa të lumtur ndjehen personat në vendet ku janë dhe pse.

Vendet nordike zakonisht paraqiten në top pesëshen e listës, përderisa shtetet e prekura nga lufta dhe një numër i vendeve të Afrikës Sub-Sahariane rregullisht paraqiten në pesëshen e fundit.

Burundi ishte vendi më së paku i lumtur në botë, duke u vendosur në këtë pozitë në vend të Republikës së Afrikës Qendrore.

Raporti i këtij viti gjithashtu përfshinë të dhënat nga imigrantët nëpër vendet ku janë vendosur, kështu duke e vendosur sërish Finlandën në vendin e parë si shtëpia më e lumtur e imigrantëve.

Shqipëria renditet në vendit e 112 nga 156 shtete në indeksin e lumturisë për vitin 2018, duke qenë e fundit në Evropë, pra më e palumtura.