Gabriel Jesus arrin marrëveshje për kontratë të re me Manchester Cityn

Prishtinë | 20 Dhj 2017 | 10:44 | Nga

Gabriel Jesus ka rënë në ujdi me Manchester Cityn për kontratë të re, pas më pak se një vit nga kalimi i tij në “Etihad Stadium”, ka mësuar Goal.

Braziliani 20-vjeçar ka gëzuar fillim fantastik të karrierës në City saqë Sergio Aguero, golashënuesi më i mirë i të gjitha kohërave në City, nuk e ka më të sigurt vendin e startuesit në skuadrën e Pep Guardiolas.

Sulmuesi brazilian nënshkroi me Cityn nga Palmeiras në verën e vitit 2016, por iu bashkua “Të kaltërve” në janar të 2017-s.

Shumë shpejt, Jesus do t’i fitojë 170.000 euro në javë në nivel bazik, që është më shumë se dyfishi i asaj që braziliani e fiton momentalisht.

Kjo shifër do të rritet me një numër bonusesh që lidhen me performancat e tij, si numri minimal i ndeshjeve të luajtura në një sezon dhe bonuse nëse City fiton trofe.

Kontrata e tij e re skadon në vitin 2023.

Fjalë Kryesore:

Të ngjashme