Ministrja e Punëve të Jashtme, Donika Gërvalla, ka akuzuar Serbinë se shtiret se është e gatshme për dialog, por në fakt është e përgatitur për luftë. Ajo u shpreh se miqtë nuk rreshtin së këshilluari se duhet të angazhohemi në dialog, por theksoi se në dialog duhet të jenë dy palë, raporton Ekonomia Online.
Gërvalla i bëri komentet në sesionin me temën “Përshkrimi i së ardhmes: Drejtimet e politikave dhe angazhimi diplomatik”, në kuadër të konferencës “Urëzimi i Ballkanit Perëndimor”, ku pjesë e panelit ishin dhe Ambasadori amerikan, Jeffrey Hovenier; Tomas Szunyog, shef i Zyrës së BE-së dhe Jörn Rohde, ambasador i Gjermanisë.
“Kur ke në dialog që janë të përgatitur për luftë dhe shtiren se janë për dialog me ju dhe kërkojnë që implementohen rezultatet e njëanshme për të cilat njëra palë nuk i pranon më. BE-së i është dhënë një dokument nga kryeministrja e Serbisë ku thuhet se ata nuk ndihen të obliguar nga rezultatet e dialogut nga viti i shkuar. Nëse shkohet një hap para dhe dy prapa atëherë pyetja është a do të kthehemi në të 90’tat”, u shpreh Gërvalla.
Ajo thekson se fjala dialog nënkupton “dy”.
Sipas saj, është e nënkuptueshme që pala serbe është kundër dialogut teksa potencon sulmin terrorist të 24 shtatorit në Banjskë, ku mbet i vdekur rreshteri policor, Afrim Bunjaku.
“Fjala dialog nënkupton dy, nuk është monolog. Po të donim të merrnim vendime lidhur me qytetarët tanë në Kosovë atëherë do të duhej të jemi në gjendje të marrim përgjegjësi dhe të marrim vendime por partnerët tanë dhe miqtë nuk rreshtin së ndaluari duke na shpjeguar se duhet të angazhohemi në dialog dhe në dialog duhet të kesh dy palë përndryshe nuk ka nevojë të kesh dialog. Kur e ke njërën palë që është kundër dialogut dhe tregon me veprime konkrete si ngjarja e 24 shtatorit ku kishim një akt sulmi kundër Kosovës apo agresionit kundër Kosovës dhe ne pretendojmë se kemi dialog në Bruksel atëherë çdo nxënës në shkollë do ta kuptojë se kjo nuk është ajo që mësohet në shkollë dhe universitet për dialogun si proces sepse dialogu nënkupton angazhimin e dy palëve me një synim që të arrihet një e ardhme më e mirë se sa ajo që ekziston në të kaluarën dhe në të tashmen”, tha ajo.
LEXO EDHE:
Video
Video
Video
Video
Video
