Reperi i popullarizuar i skenës shqiptare, Ghetto Geasy, tash e disa vite është i martuar me prezantuesen Marina Vjollca.

Ndonëse përfliten shpesh në mediat rozë për jetën luksoze dhe stilin e tyre të veçantë, ata shpesh u spekuluan se do bëhen prindër.

Kështu, reperi Getoar Selimi (emri i vërtetë i Ghetto Geasy), i ftuar mbrëmë në emisionin “Shiko kush Luan” nuk ka hezituar të flasë edhe rreth kësaj pjese.

Ndër pyetjet që Luana bëri ishte ajo se kur Getoari dhe Marina planifikojnë të shtojnë familjen e tyre me një fëmijë.

“Zoti e din por gjithsesi ne jemi gati se jemi te martuar”, u shpreh Geti duke qeshur e duke na lënë të kuptojmë se nuk do të jetë e largët dita kur ai dhe Marina do të bëhen prindër për herë të parë.

Ndryshe, Geti dhe Marina janë martuar më 10 shtator 2017, teksa ceremonia e tyre luksoze u mbajt në Gjirin e Lalzit, Durrës.