Scholz : Ne jemi të përgatitur mirë sepse kemi burime të mira financiare Ministri gjerman i financave, Olaf Scholz tha të mërkurën se ekonomia më e madhe e Evropës do të jetë në gjendje t’i kundërvihej një krize ekonomike nëse do të kishte një të tillë, por shtoi se ai nuk pret një rënie aq të keqe sa në 2008/2009, përcjell rtv21.tv. “Ne jemi të përgatitur mirë sepse kemi burime të mira financiare, kështu që nëse ekziston një krizë ekonomike, ne mund të ndërmarrim kundërmasa, por për momentin ne jemi duke parë vetëm një rritje më të ngadaltë,” i tha Scholz transmetuesit publik ARD. Ai tha nëse një krizë aq serioze sa në 2008/2009 do të shfaqej në horizont, Gjermania “do të jetë në gjendje të bëjë gjithçka që është e nevojshme”, por shtoi se ai nuk parashikoi një skenar të tillë, me parashikimet që tregojnë për përmirësimin e ekonomisë – megjithëse më ngadalë sesa shpresohej më parë. Shumë ekonomistë presin që ekonomia të bie në recesion në tremujorin e tretë pas kontraktimit në të dytin. Institutet kryesore ekonomike në Gjermani pritet që të mërkurën të ulin parashikimet e tyre të rritjes për këtë vit dhe pasardhës, thanë burime për Reuters.

Lexo me shume: http://rtv21.tv/gjermania-do-te-ishte-ne-gjendje-te-perballonte-nje-krize-ekonomike/
© RTV21.tv