Rënia dramatike e numrit të gjirafave, përgjatë 30 vjetëve të fundit, ka bërë që këto kafshë të klasifikohen si të cenueshme ndaj zhdukjes.

Sipas Unionit Ndërkombëtar për Ruajtjen e Natyrës, numri i gjirafave ka rënë nga rreth 155,000 në vitin 1985 në 97,000 më 2015. Kafsha ikonë po zhduket për shkak të rrënimit të mjedisit ku jeton ajo dhe trazirave civile në shumë pjesë të Afrikës, tha Unioni.

Dr Julian Fennessy, nga Unioni Ndërkombëtar për Ruajtjen e Natyrës, tha se “gjirafat po kalojnë nëpër një zhdukje të heshtur”.