Një gjykatë e apelit në Shtetet e Bashkuara me vendimin e saj ka dhënë dritën jeshile se administrata e presidentit Donald Trump mund të pezullojë ose ndërpresë miliarda dollarë fonde të ndara nga Kongresi për ndihma jashtë vendit, shtatë muaj pasi urdhri ekzekutiv i shefit të Shtëpisë së Bardhë do të shkaktonte një krizë globale në sektorin e ndihmave humanitare, raporton Euronews.

Një panel i ndarë gjyqtarësh i gjykatës së apelit arriti ka shkruar në verdiktin e së mërkurës se përfituesit e granteve që kundërshtuan ngrirjen nuk i plotësonin kërkesat për një urdhër paraprak për rikthimin e qarkullimit të fondeve.Vendimi sqaron çdo polemikë rreth çështjes për presidentin Trump, i cili, në ditën e parë të mandatit të dytë në Shtëpinë e Bardhë, nxori një urdhër ekzekutiv duke udhëzuar Departamentin e Shtetit dhe Agjencinë Amerikane për Zhvillim Ndërkombëtar (USAID) të ngrinin shpenzimet për ndihmën e huaj.

Pasi grupe përfituesish të granteve ngritën padi për të kundërshtuar urdhrin ekzekutiv të Trumpit, gjykatësi i distriktit amerikan, Amir Ali, urdhëroi administratën të zhbllokojë shumën e plotë të ndihmave të huaj që Kongresi kishte ndarë për vitin buxhetor 2024.Megjithatë, dy nga tre gjyqtarët e Gjykatës së Apelit të SHBA-së për Qarkun e Kolumbias e shfuqizuan pjesërisht urdhrin e Aliut.Sipas gjyqtarëve Karen LeCraft Henderson dhe Gregory Katsas, paditësit nuk kishin bazë të vlefshme ligjore që gjykata t’ua merrte parasysh pretendimet.