Gruaja e Ilir Shaqirit, Emanuela ka folur sërish për lojën që ka bërë bashkëshorti i saj brenda shtëpisë së Big Brother.

Ajo u ndal edhe tek puthja e famshme mes Arjolës dhe Ilirit, ku theksoi dhe njëherë se nuk është ndjerë aspak xheloze.

Ajo tregoi se puthja erdhi në kuadër të lojës dhe nuk kishte arsye të ndihej keq.

E pyetur se me cilin nga banorët finalistë do të donte të pinte një kafe pasi të dilte nga Big Brother, ajo nuk nguroi të përmendte emrin e Arjolës.

Emanuela zbuloi dhe një surprizë pasi do të jetë natën finale në Tiranë për të pritur bashkëshortin e saj kur të dalë nga shtëpia e famshme.

“Do të jem në Tiranë për finalen, më pas do të kthehem në Romë sepse kam punët e mia”, tha ajo.