Deputeti i VV-së, Haki Abazi, ka reaguar menjëherë pas zyrtarizimit të marrëveshjes VV-LDK.

Abazi përmes një shkrimi në Facebook ka uruar qytetarët e vendit dhe të mërgatës për arritjen e marrëveshjes VV-LDK.

Ai thotë se tani fillon epoka e mirëfillte e lirisë, pavarësisë dhe e shtetësisë së vendit.

Abazi shkrimit të tij i ka bashkëngjitur këngën nga tenori i mirënjohur kosovar, Ramë Lahaj – Rrjedhe në kënge e ligjërime, kështu duke shprehur gëzimin për marrëveshjen e arritur.

“Urime Kosovës, qytetarëve dhe secilit votues, këtu dhe në mergatën tonë. Këtu fillon epoka e mirëfillët e lirisë, pavarësisë, shtetësisë dhe faktorizimit në Ballkan -drejt jetës me prosperitet dhe përmbyllje te procesit të integrimit Euro- Atlantik”, ka shkruar Abazi.