Deputeti i AAK-së, Daut Haradinaj ka bërë sot homazhe në fshatin Isniq të Deçanit në nderim të Skënder Rexhahmetaj, luftëtarit të UÇK-së.

“Sot ishim në nderim të mikut dhe bashkëluftëtarit të ndjerë Skënder Rexhahmetaj. Fshati Isniq ,ashtu sikur njihet për bujari dhe mikpritje, sot ishin dal në mënyrë masovike për të pritë e përcjellë karvanin e gjatë të miqve dhe bashkëluftëtarëve të Komandant Skendës. Skenda njihej për burrni dhe urtësi të jashtëzakonshme, ai do nderohet ndër breza si njeri i madh i këtij vendi. Lavdi veprës dhe jetës së tij. DH”, ka shkruar Daut Haradinaj.