Kryetari i Sindikatës së infermierëve, mamive dhe profesionistëve tjerë shëndetësor (SHSIMP), Fitim Havolli, tha se shumë infermierë janë të infektuar me Coronavirus, raporton Ekonomia Online.

Havolli thotë se shumë infermierë janë të infektuar me këtë virus, teksa thotë se përballja me këtë sëmundje mund t’i infektojë edhe të tjerët.

“Ju e keni parë që e kemi cekur që ka infermierë që janë të infektuar dhe do të ketë edhe në të ardhmen të infektuar, marrë parasysh rrezikun e përhapjes së këtij virusi në raport me personelin që më të vërtetë është në vij të parë dhe është gjatë gjithë kohës ku një ndërrim është 12 orësh në Kosovë, ata 11 orë janë afër pacientit”, u shpreh Havolli

Havolli u shpreh se masat mbrojtëse janë të mjaftueshëm në këtë Klinikat që po trajtojnë pacientë me COVID-19.

“Deri më sot kemi pasur mjaftueshëm masa mbrojtëse. Unë personalisht punoj në Klinikën Infektive dhe kemi pasur mjaftueshëm masa por që ka edhe në vende tjera që nuk kanë pasur këto masa mbrojtëse mjaftueshëm për t’u ruajtur nga Coronavirusi, mirëpo kemi masa mbrojtëse që po na sjellin vazhdimisht në mënyrë që të mbrohemi dhe mos të infektohemi”, tha ai.