Ministrja në detyrë e Drejtësisë, Albulena Haxhiu, ka folur sot në konferencë për media edhe për dy skenarët e krijimit të Qeverisë së re që janë përmendur nga Glauk Konjufca, raporton Ekonomia Online.

Haxhiu ka thënë se VV-ja po pret që të konstituohet Kuvendi i Kosovës dhe sipas saj, kur flitet për skenarë, dihet që vetëm VV-ja mund ta bëjë Qeverinë dhe partitë opozitare jo. Haxhiu ka shtuar se kjo nënkupton që ose VV-ja e bën Qeverinë, ose shkohet në zgjedhje të reja.

“Po presim që të konstituohet Kuvendi,. Ju e dini që Qeverinë mund ta bëjë VV dhe në anën tjetër s’mundet opozita. Duke qenë kështu, o e bëjmë Qeverinë, o shkojmë në zgjedhje”, ka deklaruar Haxhiu.