Sot po mbahet Konferenca e Sigurisë në Mynih.

Në një prononcim për media nga atje, zëvendëskryeministri i Kosovës, Avdullah Hoti tha se taksa duhet të hiqet, por duhet të kemi të njëjtën qasje që ka Serbia me ne.

Hoti u shpreh se është treguar një interesimi dhe vëmendje  të shtuar nga  Shtetet e  Bashkuara të Amerikës ndaje shtetit të Kosovës, transmeton Indeksonline.

“Këto që janë nënshkruar sot nuk janë marrëveshje, por për të bërë këtë vit hapa konkret. Kemi një vëmendje të shtuar nga SHBA-të.

“Ajo që kemi nevojë është që të arrijmë një marrëveshje përfundimtare, një njohje reciproke”

“Dialogu ka për qëllim  njohjen reciproke. Taksa duhet të hiqet, po duhet ta ruajmë sovranitetin tonë, atë qasje që ka Serbia ndaj nesh duhet ta kemi edhe ne, por këto duhet të jenë ngushtë më partnerët tanë”, u shpreh Hoti.

Hoti poashtu tha se nesër pritet të ketë takim me ambasadorin Grennell dhe zyrtarë të tjerë gjerman.