Kandidatja për deputete nga radhët e PDK-së, njëherësh ministre në detyrë e Integrimit Evropian, Dhurata Hoxha, mori pjesë në tubimin elektoral të PDK-së në Gjilan, duke thënë se aty u konfirmua fitorja e PDK-së.

Hoxha në një postim në llogarinë e saj në Facebook ka shkruar se në këtë tubim u bë e ditur e ardhmja euro-atlantike e Kosovës, partneriteti i përhershëm me ShBA-në dhe vlerat e kësaj miqësie.

“Sot, Gjilani ishte më i bukur se çdo herë, krahas flamujve të shtetit dhe kombit, valoi edhe flamuri amerikan. Me ne, në tubimin elektoral, ishte i pranishëm, z. Matthew Whitaker, njeriu kyç i Presidentit Trump dhe miku i Kryeministrit të ardhshëm, Kadri Veseli. Fitorja e PDK-së konfirmohet me këtë tubim madhështor, tubim ku u bë e ditur edhe një herë rruga jonë, e ardhmja jonë euro-atlantike, partneriteti i përhershëm me ShBA-në dhe vlerat e kësaj miqësie. Ne jemi të bekuar me këtë miqësi. Ndërtojmë të ardhmen, për Ty dhe Shtetin!”, ka shkruar ajo. /Telegrafi/