Një hidraulik në Kazakistan ka therur për vdekje një grua, te shtëpia e së cilës kishte shkuar për të rregulluar diçka.
43-vjeçari, emri i së cilit nuk është bërë i ditur, e theri për vdekje 32-vjeçaren Inna Murzaeva pasi ajo i kërkoi t’i bënte zbritje në llogari.
Siç raporton DailyMail, ai plagosi fillimisht nënën dhe fqinjin e klientes të cilët tentuan ta ndalonin atë e u përpoqën ta mbronin gruan.
Të dy janë në gjendje kritike ndërsa hidrauliku është arrestuar.
Incidenti ndodhi në qytetin Almaty, më 4 shtator, derisa sot u raportua edhe nga mediat në Kazakistan.
Sipas mediave atje, Inna e kishte ftuar hidraulikun në shtëpinë e saj dhe e kishte njoftuar paraprakisht vetëm përmes faqeve në internet – nga shërbimet që kishte kërkuar. Debati mes tyre kishte nisur kur ajo i kishte kërkuar zbritje në çmim për shërbimin e bërë ndërsa hidrauliku kishte refuzuar.
Kur debati doli jashtë kontrollit, hidrauliku nxori thikën nga xhepi dhe sulmoi fillimisht nënën e saj 63-vjeçare dhe më pas vrau Innën. Në mes tyre ishte përfshirë edhe fqinji kur kishte dëgjuar britmat.