Kohet e fundit në rrjete sociale ka qarkulluar lajmi se konkurrenti i “Për’puthen”, Mevlan Shaba është i martuar në Gjermani, teksa gjatë ditës së djeshme një ndër temat që është diskutuar në emision ka qenë pikërisht martesa e Melvanit.

Nëpërmjet rubrikës së pyetjeve nga publiku, Mevlanit i është bërë pyetja se a ka është e vertetë që ai është i martuar në Gjermani, e që kësaj pyetje iu përgjigj haptazi Mevlani.

“Po si çdo emigrant, kam qenë i martuar për letra, por pa dashuri, Ledjana ka qenë e informuar për këtë gjë”, tha Mevlani, duke e pranuar këtë fakt pa zbuluar detaje të tjera.

Kujtojmë se në muajin mars, pas shumë takimesh Ledjana dhe Mevlani u deklaruan vetëm për njëri-tjetrin në “Për’puthen”. Tashmë marrëdhënia mes tyre është akoma më e fortë dhe dita ditës dyshja afrohen akoma më shumë bashkë. Në rrjete sociale ata shfaqen të pandarë nga njëri-tjetri dhe nuk mungojnë dedikimet e dashurisë.

Ditë më parë, Ledjana i surprizoi të gjithë kur i dha një dhuratë Mevlanit, që ishte një ndër më të veçantat dhe brenda mbante një deklaratë shumë të fortë. Ajo i dhuroi një kornizë, brenda së cilës ishte shkruar “të dua”. Kjo është hera e parë që Ledjana i thotë Mevlanit “të dua”, ndaj këto fjalë dhe dhurata e saj i surprizoi të gjithë. Madje ajo ftoi Mevlanin që të ulej pranë saj në kolltuk dhe ai pranoi e i dhuroi një puthje në ballë.