Stacioni policor në Ferizaj nga Drejtoria Rajonale e Policisë në Ferizaj,
dje rreth orës 11:30 ka pranuar një informacion, se në rr. ‘‘Brahim
Ademi ’ në Ferizaj është një rast i mashtrimit.

Në lidhje me këtë, policia i ka marr veprimet e nevojshme dhe pas një
pune intensive ka arrestuar personin e dyshuar me inicialet Z.A ,
mashkull , shtetas i Maqedonisë së Veriut, i moshës 33 vjeçar, i cili
kishte mashtruar personin tjetër me inicialet A.R ( M/K) i moshës 30
vjeçar, ku në këmbim të rregullimit të dokumenteve të udhëtimit i kishte
marr një shumë të caktuar të hollave ( 3600 euro).

Policia , të dyshuarin e ka shoqëruar në stacionin policor në Ferizaj dhe
pas intervistimit nga Njësia e Hetimeve, me vendim të Prokurorit të
Prokurorisë Themelore në Ferizaj, i njëjti është dërguar në mbajtje për
48 orë , për procedura të mëtejme hetimore.