Policia e Kosovës ka njoftuar se mbrëmë në Prizren gjatë inspektimit për respektim të masave antiCovid-19, kanë hasur në një klub nate i cili ishte duke punuar në kundërshtim me vendimet e qeverisë.

Inspektorët i kanë shqiptuar gjobë, ndërkaq pronari i lokalit në shenjë pakënaqësie kishte kanosur një zyrtar policor.

“Njësia policore gjatë inspektimit të lokaleve së bashku me inspektorët e Agjencisë së Ushqimit dhe Veterinës kanë vërejtur se një klub nate ishte duke punuar në kundërshtim me vendimet qeverisë. Gjatë shqiptimit të gjobës personi i dyshuar- pronari i lokalit në shenjë pakënaqësie kishte kanosur një zyrtar policor. Në konsultim me prokurorin rasti shkon në procedurë të rregullt”, thuhet në raport.