Ndonëse janë bërë një vit që nga fitorja e Lëvizjes Vetëvendosje, nuk po vërehen shumë ndryshime, thotë ish-deputeti i LDK-së, Nuredin Ibishi.

Njohësi i sigurisë në një intervistë për Ekonomia Online ka thënë se kjo qeverisje nuk është veçuar me asgjë më shumë se qeveritë e tjera që kanë qenë në pushtet.

Duke folur për qeverisjen e Vetëvendosjes, Ibishi thotë se nepotizmi vazhdon të jetë prezent edhe më tej në institucione, e sidomos sa i përket emërimit në borde e pozita ekzekutive.

Ndërkaq thotë se institucionet e Kosovës kanë arritur avantazh në luftimin e krimit dhe korrupsionit por jo sa i përket zhvillimit ekonomik dhe punësimit.

“Qeveria e re nuk është shquar me asgjë që e veçon nga qeveritë e tjera. Nepotizmi vazhdon të jetë prezent edhe më tej në institucione sidomos sa i përket emërimit në borde qoftë  në pozitë ekzekutive kështu që nuk mund të them që kjo qeveri dallon prej qeverive të mëhershme. Bile kjo është më autoritare në disa çështje më pak transparente dhe vazhdon avazi i keqmenaxhimit. Mirëpo paralajmërimet në fushatë edhe realiteti në qeverisje janë krejt dy çështje të kundërta. Pra asnjë prej qeverive sidomos kjo e Vetëvendosjes tani nuk përmbush premtimet e dhëna se do të bëjë ndryshime”, u shpreh ai

“Është ndoshta një e arritur në luftimin e krimit dhe korrupsionit që pjesërisht kemi arritur një avantazh. Por sa i përket zhvillimit ekonomik dhe punësimit mendoj që nuk kemi avancim por një nivel më të ulët të menaxhimit”, tha Ibishi.