Avokati Arianit Koci ka ftuar qytetarë të Kosovës t’i bashkohen nesër për të bllokuar daljet e Kuvendit të Kosovës që të mos i lënë deputetët të dalin nga aty pa bërë zgjidhje për konstituimin e Kuvendit, gjë kjo që po dështon qe 26 herë për gati dy muaj rresht çdo 48 orë.

“Prandaj nesër, në ora 10:45, po mendoj të dal para Kuvendit – nëse e kam përkrahjen e juaj! Në ora 11:00 – ua mbylli derën deputetëve me një fjongë. Nuk i lejojmë me dalë – si veprim simbolik, derisa ta zgjidhin krizën politike”, shkroi Koci.

Postimi i plotë:

Nuk ka dalje prej Kuvendit, pa zgjidhje politike.

Nesër në ora 11:00, deputetët futen prapë në Kuvend – për herë të 27-të.

Por e dijmë që tash:

nuk ka marrëveshje, nuk ka vendim, nuk ka asnjë përparim.

Një tjetër seancë që nuk zgjidh asgjë – veç sa e zgjat agoninë.

Kjo nuk është më krizë politike.

Është lojë me durimin e njerëzve.

Prandaj nesër, në ora 10:45, po mendoj të dal para Kuvendit – nëse e kam përkrahjen e juaj!

Në ora 11:00 – ua mbylli derën deputetëve me një fjongë.

Nuk i lejojmë me dalë – si veprim simbolik, derisa ta zgjidhin krizën politike.

⸻

Nëse ky postim merr së paku 3000 pëlqime ose zemra – dal. Pa asnjë hezitim.

Pa përkrahje të vërtetë – nuk ka as veprim.

⸻

Ju ftoj të më bashkangjiteni masovikisht.

Po tentoj me gjete zgjidhje.

Ky veprim simbolik – është sigurt më shumë se heshtja.

Sa prej jush kishit me dalë nesër?

P.S.

Bëjeni share ju lutëm.

Njëherësh i ftoj mediat që ta përkrahin këtë iniciativë, nëse mendojnë që – boll është boll!