Ministri i Infrastrukturës, Lutfi Zharku, do të marrë pjesë në inaugurimin e vazhdimit të asfaltimit të rrugës Botushë-Koshare, me gjatësi prej 8.3 kilometrash.

Vlera e kontratës së këtij projekti është 725 252 euro. Procedurat e prokurimit i ka kryer Ministria e Infrastrukturës, e cila është edhe investitore e realizimit të projektit.

Projekti i kësaj rruge fillon nga fshati Botushë dhe vazhdon deri në Koshare, pikërisht te varrezat e dëshmorëve të rënë në betejën e Koshares.

Afati për realizimin e projektit është 180 ditë pune.