Mijëra njerëz në të gjithë Indinë janë indinjuar pasi Qeveria urdhëroi platformën e rrjeteve sociale, Twitter, për të fshirë postimet kritike për trajtimin e saj të virusit.

Një zëdhënës i Twitterit konfirmoi se kishte bllokuar shikimin e disa materialeve në Indi.

Vendi përballet me një rritje masive të rasteve me COVID-19, me shumë nga spitalet e tij që përballen me mungesë oksigjeni.

Një përdorues i Twitter akuzoi qeverinë se “e ka më të lehtë të heqë cicërimat sesa të sigurojë furnizime me oksigjen”.

India regjistroi 352.991 infeksione të reja të hënën dhe 2.812 vdekje – numri më i lartë njëditor deri më tani.