Deri në 46 milionë vende pune mund të humbasin në industrinë e Aviacioni në mbarë botën për shkak të ndikimit të pandemisë.

Grupi i Veprimit për Transportin Ajror (ATAG) tha se nuk janë vetëm punët në vetë aviacionin që janë nën kërcënim, por edhe ato që lidhen me industrinë, nga turizmi te ndërtimi.

Mbyllja totale e industrisë për disa muaj dhe rimëkëmbja e ngadaltë do të thotë që udhëtimet ajrore nuk do të rikuperohen në nivelet sikur ishte para COVID-19 deri rreth vitit 2024, tha ATAG.

“Analiza jonë tregon se deri në 4.8 milionë vende pune në aviacion mund të humbasin në fillim të vitit të ardhshëm, një ulje 43% nga nivelet para-COVID-19”, tha Michael Gill, drejtori ekzekutiv i grupit.

“Kur t’i zgjeroni ato efekte në të gjitha vendet e punës që aviacioni normalisht do t’i mbështeste, 46 milionë punë janë në rrezik.”

Ai tha se, përveç dhënies së mbështetjes së punësimit, qeveritë gjithashtu duhej të ishin të qëndrueshme në mesazhet e tyre në mënyrë që udhëtarët të mos “u nënshtrohen deklaratave të rastësishme të karantinës dhe ndryshimit të vazhdueshëm të listave të destinacioneve të pranueshme dhe të papranueshme”.