Ekipi përgjegjës i Komunës së Prishtinës ka inspektuar edhe tri objekte të tjera, pronarët e të cilave kishin aplikuar për inspektim final dhe certifikatë të përdorimit (ish-pranimi teknik), bëhet e ditur përmes një komunikate për media.

“Meqë në vazhdimësi ka kërkesa nga qytetarët për t’u informuar për këtë proces, gjatë javës së ardhshme do t’i publikojmë listat e atyre që kanë aplikuar deri tash (për objektet kolektive), me shpjegime për fazën në të cilën gjenden”, thuhet në komunikatë.

Më tutje thuhet se, “ka raste që kanë përfunduar me sukses, por ka edhe refuzime”.