Inspektorati Policor i Kosovës, përkatësisht Departamenti i Inspektimit, ka publikuar raportin e inspektimit lidhur me “Vlerësimin e kapaciteteve operative dhe aktiviteteve në stacione policore”.

Inspektimi është kryer me kërkesë të Kryeshefit të IPK-së dhe është fokusuar në 17 stacione policore në kuadër të drejtorive rajonale të Divizionit të Sigurisë Publike.

Qëllimi i inspektimit ishte të vlerësohej nëse stacionet po realizojnë me sukses objektivat në përmbushje të mandatit ligjor. Gjithashtu, inspektimi dha mundësi për t’u njohur me kapacitetet e burimeve njerëzore të angazhuara në turne, shpejtësinë e njësive policore për të reaguar ndaj rasteve dhe thirrjeve të qytetarëve, raportet për aktivitetet e ndërmarra dhe kapacitetet aktive të stacioneve. parku i automjeteve. në shërbim të njësive policore.

Gjetjet e këtij inspektimi janë me interes për strukturën përkatëse të policisë, përfshirë atë drejtues dhe atë operativo-administrativ.

IPK në kuadër të Raportit ka dhënë pesë (5) rekomandime, lidhur me nevojën për ndërmarrjen e hapave të nevojshëm për përfundimin e procesit të sistemimit dhe ri-sistematizimit të burimeve njerëzore në përputhje me Listën e Personelit të Autorizuar, duke përmbushur nevojat e stacioneve me burimet njerëzore, menaxhimin më cilësor të burimeve brenda turneve, përmbushjen e detyrimeve për raportimin e aktiviteteve të policisë të ndërmarra përmes fletëve të patrullimit dhe përmirësimin e cilësisë së regjistrit operativ të Ditarit.

Sa i përket rezultatit të inspektimit, përfshirë rekomandimet e dhëna, të gjithë të interesuarit mund të kenë akses në raportin e plotë të inspektimit, i cili është i publikuar në faqen zyrtare të IPK-së (shiko lidhjen në vijim):

https://ipk.rks-gov.net/Medias/RAPORT%20I%20INSPEKTIMIT%20NR.%2001-2024%20-%20VLER%C3%8BSIMI%20I%20KAPACITETEVE%20DHE%20AKTIVITETEVE%20ebae-9 4648-9221-b71e7e3e6725.pdf