Policia greke ka njoftuar pasditen e të premtes se ka gjetur autorin e vrasjes së një shtetasi shqiptar, trupi i të cilit ishte gjetur para dy muajsh në bregdetin e Athinës.

Një shtetas irakian është arrestuar në sheshin Omonia në Athinë dhe më pas ka pranuar se e kishte vrarë shqiptarin 47 vjeçar me një sëpatë.

Sipas autorit, gjithçka ndodhi për shkak të një zënke midis atyre të dyve. Gjatë sherrit, irakiani mori sëpatën që ndodhej aty pranë dhe e goditi shumë herë në fytyrë dhe në trup, duke i shkaktuar vdekjen, shkruan oranews.

Shqiptari i pafat, që njihej me emrin Jani, ishte i pastrehë dhe jetonte në një barake në kompleksin sportiv olimpik Agios Kosmas, të cilën e ndante bashkë me irakianin.

E përballonte jetesën duke kapur peshk e duke i shitur përreth vendqëndrimit të tij.

Sipas banorëve të zonës ai përjetonte një dramë familjare, ishte baba i dy fëmijëve, por kishte mbetur pa punë dhe për këtë arsye ishte larguar nga shtëpia.

Gjithë banorët kishin nga një fjalë të mirë që të thoshin për të ndjerin.

https://www.youtube.com/watch?v=ZFZORPk2SO0