Ish- prokurori i Krimeve të Rënda, Agron Matjani dyshohet se ka bërë vetëvrasje.

Nga burime në Prokurori merret vesh se i ndjeri është gjetur nga bashkëshortja në vaskën e banjos, në banesën e tij në Prizren, raporton sinjali.

Gazeta Sinjali mëson se prokurori Matjani dyshohet se ka prerë venat e këmbës me zhiletë, gjë që ka rezultuar me vdekjen e tij.  

Ish-prokurori Agron Matjani, u gjet pa shenja jete mëngjesin e sotëm.

Ai më herët ishte prokuror në Departamentin e Krimeve të Rënda në Prokurorinë Themelore të Gjakovës derisa u shkarkua nga kjo përgjegjësi për shkak të keqpërdorimit të detyrës zyrtare.

Gjatë detyrës si prokuror, Matjani trajtoi raste nga më të ndryshmet dhe nga më të rëndat, siç është edhe ai i vrasjes makabre të gruas dhe vajzës nga Pjetër Nrecaj.

Së fundi, Matjani ishte ulur edhe vetë në bankën e të akuzuarve.